Santa Klaýstyń aǵash músini 900 myń dollarǵa satyldy
ASTANA. 26 qańtar. QazAqparat - 1923 jyly amerıkalyq aǵash sheberi Samıýel Andersen Robb jasaǵan Santa Klaýstyń músini Nıý-Iorktegi aýktsıonda 875 myń dollarǵa satyldy. Bul týraly áıgili Sotheby's saýda úıiniń qyzmetkerleri habarlaıdy, dep jazady ITAR-TASS.
Robb músindi óziniń qyzy Elızabetke arnap aǵashtan oıǵan, ony qara shaqpaq tastarmen bezendirgen. Aǵash Santa Klaýstyń dástúrli qyzyl shapany, bıik taqaly etigi men bir qapshyq syılyǵy bar. Bul aǵash sheberiniń 72 jasynda qolynan shyqqan sońǵy óner týyndysy bolǵandyǵy da onyń qunyn arttyryp otyr. Amerıkalyq kollektsıoner Ralf Emersonniń jıyntyǵyndaǵy músinniń baǵalaný quny 150-250 myń dollardy quraıdy. Robbtyń qolynan shyqqan aǵash músinder kóbine AQSh-taǵy qymbat dúkenderge qoıylǵan. Áıgili aǵash sheberi 1851 jyly Nıý-Iork qalasynda dúnıege kelgen, 1928 jyly uzaqqa sozylǵan syrqattan qaıtys bolǵan. Ol aǵash oıý ónerin AQSh-tyń áıgili sheberi Tomas Brýkstan úırengen.
