Santa-Klaýstyń shanasy jerdi aınalyp ushýdy bastady — Flightradar

ASTANA. KAZINFORM — Rojdestvo merekesi qarsańynda Santa-Klaýstyń buǵyǵa artylǵan shanasy jer sharyn aınalyp ushýyn bastady, dep habarlaıdy TASS.

Sıqyrly saıahatty kez kelgen adam Flightradar arqyly tikeleı tamashalaı alady.

Agenttiktiń málimetinshe, Santa-Klaýs 23 jeltoqsan kúni soltústik polıýsten attanǵan. Onyń shanasy 17:50 shamasynda (Máskeý ýaqytymen) Fınlıandııanyń ústinen 18,2 shaqyrym bıiktikte ońtústik-batysqa qaraı bet alǵan.

Santanyń «ushyp-qonýyn» dástúrli túrde Soltústik Amerıkanyń Birikken aeroǵaryshtyq qorǵanys qolbasshylyǵy (NORAD) baqylaıdy. Vedomstvo resmı baqylaýdy tek 24 jeltoqsanǵa qaraǵan túni bastaıdy.

Santa-Klaýs — Batys Eýropa men Soltústik Amerıkadaǵy tanymal sıqyrly keıipker, ol dástúr boıynsha Rojdestvoda balalarǵa syılyqtar ákeledi.

Aıta keteıik, Los-Andjeleste «Úıde jalǵyz» fılmindegi bálishten jasalǵan úı rekord ornatty. Fılm jankúıerleri bálish úıge baryp, Prince St. Pizza kompanııasynyń «A Lovely Cheese Pizza» pıtstsasynan aýyz tıe alady.