Santıago zoobaǵynyń qyzmetkerleri jankeshtini qutqarý úshin eki arystandy atyp tastady
ASTANA. QazAqparat - Chılı astanasy Santıago qalasyndaǵy haıýanattar baǵynda eki arystandy jyrtqyshtar jatqan qorshaýǵa ótip ketken er adam úshin atyp óltirdi. Boljam boıynsha, arystandarǵa júgirgen adam óz ómirimen qoshtaspaq bolǵan, dep jazady VVS agenttigi.
Oqıǵa túste, kelýshiler qatary kóbeıgen sátte bolǵan. Er adam arqannyń kómegimen arystandar jatqan qorshaýǵa shyǵyp, kıimderin sheshe arystandarǵa júgirgen. Jyrtyqshtar sol jerden ony bas salǵan.
Zoobaq meńgerýshisi Alehandra Montalbanyń aıtýynsha, haıýanattar baǵynda dál sol sátte jyrtqyshtardy uıyqtatyn oq-dári bolmaǵan. Sondyqtan, qyzmetkerler olardy atyp tastaýǵa májbúr boldy.
«Bul oqıǵa bizdiń qutymyzdy qashyryp otyr. Óıtkeni, zoobaqtaǵy haıýanattar bizdiń otbasy múshemiz sekildi. Óltirilgen arystandar munda 20 jyldan beri bar edi», -dedi Alehandra Montalba.
Japa shekken er adam aýrýhanaǵa jetkizldi. Onyń jaǵdaıy óte aýyr, dep baǵalady dárigerler. Er adamnyń qaltasynan ósıethat tabyldy.
