Sanofi-ge qatysty daý: Densaýlyq saqtaý mınıstrligi pikir bildirdi
Aıta ketsek, buǵan deıin birqatar BAQ quraldarynda Sanofi kompanııasynyń Qazaqstandaǵy jáne Taıaý Shyǵystaǵy enshiles kásiporyndary óz óniminiń satylymyn arttyrý úshin laýazymdy adamdarǵa aqsha bergeni týraly aqparat taraǵan bolatyn. Aqparat AQSh-tyń qundy qaǵazdar jáne bırjalar boıynsha Komıssııasy saıtynda jarııalanǵan edi. Sarapshylar frantsýz kompanııasynyń ókilderi memleketpen kelisimge kelý úshin para bergenin aıtqan.
«Barlyq tekseris jumystary ótinimderge baılanysty bastalady. Negizinen zańsyz tóletý - bul mınıstrliktiń quzireti emes. Biz baǵany retteımiz. Eger buzýshylyq tirkelip, ol jerde lobbılendirý bolsa, bunymen tıisti qurylymdar aınalysady. Eger kiná dáleldense... Ol jerde barlyǵy quqyqtyq alań aıasynda júrgizilip jatyr», - deıdi Densaýlyq saqtaý vıtse-mınıstri Alekseı Tsoı.
Onyń aıtýynsha, aldaǵy istiń aýany kompanııanyń jemqorlyqqa qatysy bar ma, álde joq pa degen suraqtyń jaýabyna baılanysty bolady.
«Alda ne bolatyny kinániń qanshalyqty dáleldengenine baılanysty. Ázirge biz tek bapty kórip otyrmyz. Eger naqty fakt bolsa, bizdiń quziretti organdar ony tekseredi. Sheshim quqyqtyq alań sheńberinde qabyldanady. Qosymsha eshteńe aıta almaımyn», - dedi mınıstrliktiń ókili.