Sankt-Peterbýrgtegi týrnır: Qazaqstannyń 4 boksshysy jartylaı fınalǵa shyqty
ASTANA. QazAqparat - Bokstan Qazaqstan quramasynyń tórt múshesi búgin dástúrli «Sankt-Peterbýrg gýbernatorynyń kýbogy» halyqaralyq týrnıriniń jartylaı fınalyna qatysady, dep habarlaıdy «SPORTINFORM» SAA.
Fınalǵa shyǵý úshin bizdiń jigitter myna qarsylastarmen kúsh synasady:
49 kg: Erjan Jomart - Bator Sagalýev (Reseı);
52 kg: Azat Mahmetov - Jasýrbek Latıpov (Ózbekstan);
60 kg: Ádilet Qurmetov - Shýnqor Abdýrasýlov (Ózbekstan);
91 kılogramǵa deıingi salmaqta: Abzal Quttybekov - Narek Manasıan (Armenııa).
81 kg salmaq sanatynda óner kórsetken Mıhaıl Kohanchık týrnırdiń aldyn ala kezeńinde-aq dodadan shyǵyp qalǵan bolatyn.
Al Nurbol Qaljanov (56 kg), Sanatáli Tóltaev (64 kg), Qanaǵat Maralov (69 kg), Erik Áljanov (75 kg) jáne Nubolat Sermahanovtar (91 kılogramnan joǵary) týrnırdi shırek fınal kezdesýlerinde aıaqtady.
