Sankt-Peterbýrgtegi teraktini Ortalyq Azııa týmasy jasaýy yqtımal

ASTANA. QazAqparat - Sankt-Peterbýrgtegi teraktini Ortalyq Azııa týmasy jasaýy yqtımal, dep habarlaıdy QazAqparat. Bul týraly búgin Úkimet otyrysynan soń tilshilerge bergen suhbatynda Ulttyq qaýipsizdik komıteti tóraǵasynyń orynbasary Nurǵalı Bilisbekov málim etti.

«Maǵan habarlaǵanyndaı, ol Ortalyq Azııa týmasy bolsa kerek, azamattyǵyn aýystyryp alǵan. Bul tek nusqalardyń biri ǵana, derekter tekserilip jatyr. Jas jigit. Teraktini oryndaǵan kúdikti Ortalyq Azııadan shyqqan bolýy múmkin, bul derek qazir zerdelenip jatyr», - dedi tilshilerge bergen suhbatynda.

N.Bilisbekov Reseıdiń Federaldy qaýipsizdik qyzmetimen aradaǵy birlesken jumystarǵa da toqtaldy.  Sonymen qatar ol Sankt-Peterbordaǵy teraktige qazaqstandyq azamat Maksım Aryshevtyń qatysy bar bolýy múmkin degen aqparatty joqqa shyǵardy . onyń oıynsha, Qazaqstanda jáne Reseıde tyıym salynǵan DAISh lańkestik uıymynyń Sankt-Peterbýrgtegi teraktige qatysy bolýy múmkin.

Eske sala keteıik, 3 sáýirde Sankt-Peterbýrg metrosynda bolǵan jarylystan 11 adam qaza taýyp, 45 adam jaraqattanǵan bolatyn.