Sankt-Peterbýrgtegi teraktige DAISh-tyń qatysy bar bolýy múmkin
ASTANA. QazAqparat - Qazaqstanda jáne Reseıde tyıym salynǵan DAISh lańkestik uıymy Sankt-Peterbýrgtegi teraktige qatysy bar bolýy múmkin, dep habarlaıdy QazAqparat.
Qazirgi ýaqytta DAISh atalmysh teraktini óz moınyna alǵany týraly naqty aqparat joq.
«Olardyń ıdeologııasy - zorlyq-zombylyq baǵyttaǵy kez kelgen oqıǵany óz moıyndaryna alýǵa tyrysady, sol arqyly ózin-ózi jarnamalap, bedelderin arttyrýdy kózdeıdi. Bul aqparat shyndyqqa janaspaýy da múmkin, biraq naqty osy oqıǵada olardyń qatysy bar bolýy yqtımal, sebebi DAISh-tiń belgileri baıqalady. DAISh-pen birge kóptegen lańkestik uıymdar yqpaldasqan, úlkeninen bastap, kishisine deıin», - dedi tilshilerge bergen suhbatynda Ulttyq qaýipsizdiń komıteti tóraǵasynyń orynbasary Nurǵalı Bilisbekov.
N.Bilisbekov Reseıdiń Federaldy qaýipsizdik qyzmetimen aradaǵy birlesken jumystarǵa da toqtaldy. Sonymen qatar ol Sankt-Peterbýrgtegi teraktige qazaqstandyq azamat Maksım Aryshevtiń qatysy bar bolýy múmkin degen aqparatty joqqa shyǵardy.
