Sankt-Peterbýrgtegi teraktige baılanysty Qazaqstanda qaýipsizdik sharalary kúsheıtildi
Bul týraly búgin Úkimet otyrysynan soń tilshilerge bergen suhbatynda Ulttyq qaýipsizdiń komıteti tóraǵasynyń orynbasary Nurǵalı Bilisbekov málim etti.
«Men jańa Úkimet otyrysynda Sankt-Peterbýrgttegi qaıǵyly oqıǵa týraly aqparat jetisimen biz barlyq Ulttyq qaýipsizdik departamentterine jáne respýblıka aýmaǵyndaǵy barlyq kúshtik qurylymdarǵa kólik obektilerinde qaýipsizdik sharalaryn kúsheıtý jóninde tapsyrma bergenimizdi baıandaǵan bolatynmyn», - dedi ol Úkimet otyrysynan keıin tilshilerge bergen suhbatynda.
Onyń sózinshe, Qazaqstannyń memlekettik shekarasynda tekseris rejimi qatańdatylyp otyr.
«Árıne, shekarada tekserister kúsheıtiledi, Almaty metropolıteninde, kólik nysandary, shekaradaǵy ótkizý bekettteri - barlyǵynda qaýipsizdik sharalary qatańdatylady. Biz kez kelgen aqparatty jedel tekserý sharalaryn qolǵa aldyq», - dedi QR UQK basshysynyń orynbasary.
N.Bilisbekov Reseıdiń Federaldy qaýipsizdik qyzmetimen aradaǵy birlesken jumystarǵa da toqtaldy. Sonymen qatar ol Sankt-Peterbýrgtegi teraktige qazaqstandyq azamat Maksım Aryshevtiń qatysy bar bolýy múmkin degen aqparatty joqqa shyǵardy.
Eske sala keteıik, 3 sáýirde Sankt-Peterbýrg metrosynda bolǵan jarylystan 11 adam qaza taýyp, 45 adam jaraqattanǵan bolatyn.
