Sankt-Peterbýrgtegi dúkenderdiń birinde jarylys boldy
ASTANA. QazAqparat - Jarylys sársenbi kúni keshkisin Peterbýrgtiń soltústigindegi Kondratev dańǵylynda ornalasqan saýda ortalyǵyndaǵy «Perekrestok» dúkeninde bolǵan.
TASS agenttiginiń habarlaýynsha, Peterbýrg pen Lenıngrad oblysy boıynsha Tótenshe jaǵdaılar mınıstrliginiń bas basqarmasy ókilderiniń habarlaýynsha, oqıǵa ornyna jedel qyzmet ókilderi jetken. Ǵımaratty evakýatsııalaý jumystary aıaqtaldy.
«Ǵımarattan tars etken dybys shyqty. Qutqarýshylar oqıǵa ornynda jumys istep jatyr. Adamdar evakýatsııalandy, órt shyqqan joq»,-dep habarlady basqarma mamandary.
Jarylystyń qýaty týraly málimet joq. Oqıǵa ornynda quqyq qorǵaý organdarynyń qyzmetkerleri jumys istep jatyr.
RF ІІM Bas basqarmasynan oqıǵanyń saldarynan zardap shekkenderdiń bar ekendigi habarlandy. Oqıǵanyń sebep saldary anyqtalýda.
Jedel áreket qyzmetindegi derekkózdiń habarlaýynsha, oqıǵanyń saldarynan 10 adam zardap shekken.
«Perekrestok» dúkeniniń 1-shi qabatyndaǵy júk saqtaý qoımasynyń mańynda «Gıgant Holl» oıyn-saýyq kesheninde belgisiz zat jarylǵan»,-dep málimdedi derekkóz.
