Sankt-Peterbýrgte jazǵy týrıstik maýsym 27 sáýirde bastalady

ASTANA. KAZINFORM – Reseıdiń Sankt-Peterbýrg qalasynda bıylǵy jazǵy týrıstik maýsym 27 sáýirde bastalady, dep habarlaıdy Sınhýa aqparat agenttigi. 

Sankt-Peterbýrg gýbernatory Aleksandr Beglovtyń aıtýynsha, soltústik astanada osyǵan baılanysty úlgen baǵdarlama daıyndaǵan. Atap aıtqanda, ózender men arnalardaǵy navıgatsııa 27 jáne 28 sáýirde ashylady jáne ár jeksenbide túski ýaqytta Kapellada shaǵyn kontsert beriledi.

«Maýsymnyń basyna deıin birneshe vokzalda týrısterge arnalǵan aqparattyq ústelder ashylady. Qalaǵa kelgen qonaqtar kartalar men týrıstik aqparat kitapshalaryn tegin ala alady», - dedi A.Beglov. 

Sarapshylardyń boljamynsha, 27 sáýir men 12 mamyr aralyǵynda Sankt-Peterbýrgke 850 myńǵa jýyq qonaq kelýi múmkin.