Sankt-Peterbýrgte Jambyl Jabaevqa arnalǵan kitap kórmesi ashyldy

SANKT-PETERBÝRG. QazAqparat – Reseı ulttyq kitaphanasynda qazaq aqyny Jambyl Jabaevtyń 175 jyldyǵyna arnalǵan kitap kórmesiniń ashylýy saltanatty túrde ótti, dep habarlaıdy QazAqparattyń menshikti tilshisi.

Sharany Qazaqstan Respýblıkasy Táýelsizdiginiń 30 jyldyǵyna oraı QR-dyń Sankt-Peterbýrgtegi Bas konsýldyǵy «Ata-Meken» qazaq qoǵamymen birlesip uıymdastyrdy.

Bas konsýldyqtan málim etkendeı, kórmege Jambyl Jabaevtyń shyǵarmashylyǵymen baılanysty álemniń túrli tilinde jaryq kórgen 100-den astam basylym qoıyldy.

Kitaphana basshylyǵy uıymdastyrylyp otyrǵan sharanyń ekijaqty áriptestikti nyǵaıtý jáne keńeıtýde mańyzy zor ekenin atap ótti. Atalmysh shara peterbýrgtik oqyrmandarǵa Qazaqstan halqynyń mádenı murasymen jáne rýhanı baılyǵymen tanystyrý múmkindigin usyndy.