Sankt-Peterbýrgte úsh táýlik qaraly kún jarııalandy
ASTANA. QazAqparat - Sankt-Peterbýrg ákimshiligi metroda bolǵan jarylystan keıin seısenbiden bastap úsh táýlik qaraly kún jarııalady. Bul týraly qala gýbernatorynyń baspasóz hatshysy Andreı Kıbıtov Twitter-degi paraqshasynda habarlady.
«Sankt-Peterbýrg gýbernatory Georgıı Poltavchenkonyń úkimimen erteńnen bastap qalada úsh táýlik qaraly kún jarııalanady», - dedi ol. Bul týraly TASS habarlaıdy.
Buǵan deıin jýrnalısterge RF Densaýlyq saqtaý mınıstrliginiń basshysy Veronıka Skvortsova habarlaǵandaı, resmı derek boıynsha jarylystan 47 adam jaraqat alyp, onyń 10-y qaza tapty.
