Sankt-Peterbýrgte turǵyn úıdegi jarylǵysh zat zalalsyzdandyryldy
ASTANA. QazAqparat - Sankt-Peterbýrgte turǵyn úıde jarylǵysh zat zalalsyzdandyryldy. Bul týraly jýrnalısterge Nevskıı aýdany ákimshiliginiń basshysy Konstantın Serov aıtty, dep habarlady TASS.
«Jarylǵysh zat tabylyp, zalalsyzdandyryldy», - dedi ol.
Serovtyń aıtýynsha, endi qaýip joq. «Turǵyndardy kóshirý týraly buıryq berildi, 7 qabatqa deıin zalalsyzdandyryldy», - dep qosty ol, 8 jáne 9 qabatta tergeýshiler jumys istep jatqanyn naqtylap.
Aýdan basshysynyń aıtýynsha, jarylǵysh zat tabylǵan páterde úı ıeleri bolmaǵan.
«Onda páterdiń ıeleri bolǵan joq. Olar qalaı páterge kirgenin anyqtaýǵa ýaqyt qajet», - dedi Serov, páterdegi adam sanyn naqty aıtpaı.
Úı turǵyndarynyń aıtýynsha, jetinshi qabatta bir bólmeli páter jalǵa berilgen. Tekserý ýaqytynda eki kireberistergi páter turǵyndary evakýatsııalandy. «Olardyń keıbiri jumystaryna ketse, qalǵandary balabaqshaǵa ornalastyryldy. Olarǵa shaı berildi. Balabaqsha jumysyn jalǵastyra berdi. Halyq akti zalyna ornalastyryldy», - dedi Serov.
Olardyń janynda dárigerler men psıhologtar bar.
Eshkimge aıtarlyqtaı medıtsınalyq kómek qajet bolǵan joq. Budan buryn TASS FQQB baspasóz qyzmetine silteme jasap Tovarışeskıı dańǵylyndaǵy úı turǵyndary ǵımarattardyń birinen kúdikti zat tabylǵan soń evakýatsııalanǵanyn habarlaǵan.
