Sankt-Peterbýrgte terakt kezinde qaza tapqan Maksım Aryshevpen qoshtasty
MÁSKEÝ-SANKT-PETERBÝRG. QazAqparat - 3 sáýir kúni metrodaǵy lańkestiktiń saldarynan qaza tapqan Sankt-Peterbýrg memlekettik ekonomıkalyq ýnıversıtetiniń stýdenti - 22 jastaǵy qazaqstandyq Maksım Aryshevtiń dostary men týystary onymen qoshtasý úshin «Sennaıa ploşad» metro stansasyna jınaldy.
Maksımniń ata-anasy Vıtalıı men Irına Aryshevter qaıǵyly oqıǵa týraly qalaı bilgendikteri týraly aıtty. «Kúndiz saǵat 2:28-de metroǵa baratyndyǵy týraly SMS habarlama joldady. Al dostary bireýdi kútetindikterin aıtyp, syrtta qalyp qoıǵan. Olar tómenge túsken kezde, kók tútin basyp qalyp, dabyl iske qosylǵan. Biz Maksımge qońyraý shaldyq, alaıda telefony sóndirýli boldy. Keıin terakti týraly qaýyrt jeli kórsetilgen habarlama kelip tústi. Biz Reseı TJM-nyń qaýyrt jelisine qońyraý shaldyq. Keıin konsýldyqqa habarlastyq. Zardap shegýshilerdiń tiziminde onyń aty-jóni bolmady. Keıin bılet alyp, Sankt-Peterbýrgqa ushtyq», - dedi Irına Arysheva.
«Tańǵy 7-de Sankt-Peterbýrgke jettik», - dep jalǵastyrdy Maksımniń ákesi - Vıtalıı Aryshev. «Bizben Sankt-Peterbýrgtaǵy Qazaqstannyń bas konsýldyǵy habarlasty. Biz buǵan deıin Bas konsýldyqtyń jumysynan beıhabar edik. Endi, Qazaqstannyń azamaty ekendigimizdi tolyqtaı sezindik. Olar úlken jumys atqardy, sebebi biz eseńgirep ne isterimizdi bilmeı qalǵan bolatynbyz», - dedi Vıtalıı Aryshev.
«Maksımniń lańkestik áreketke qatysy bar dep jalǵan aqparat taratqan BAQ-ty jaýapqa tartasyz ba?» degen saýalǵa Maksımniń anasy - Irına ondaı jumystarmen aınalysýǵa kúsh-qaýqarynyń joqtyǵyn aıtty.
Vıtalıı Aryshev buǵan deıin jolyqqan Sankt-Peterbýrg memlekettik ekonomıkalyq ýnıversıtetiniń basshylyǵy Maksımge jala japqan basylymdy sotqa berýge nıetti ekendigin jáne bul sheshimdi óziniń qoldaıtynyn habarlady.
Vıtalıı men Irına Maksımmen qoshtasý rásiminiń qaıda jáne qashan ótetin aıta ketti. «Qazir bizdiń dostarymyz baǵdarlama jasap jatyr, biz ony mindetti túrde jarııalaımyz. Sebebi, onymen qoshtasqysy keletinder kóp. Shamamen, tańǵy 9-da shirkeýde (Sankt-Peterbýrgta) dinı rásim jasalady. Keıin ony alyp ketedi. Eır-Astana máıitti elge jetkizýge kómektesedi. Reıs keshki 9-da. 7 sáýir kúni Almatyǵa ushyp jetemiz, bizdi kútip alady. Dostarymyz zal izdestirýde, sebebi kóptegen adamdar Maksımmen qoshtasqysy keledi. Jerleý rásimi ótkennen keıin kúndiz saǵat birde qonaqasy beriledi. Bastapqy baǵdarlama osyndaı», - dep málim etti Irına Arysheva. 
Eske sala keteıik, 3 sáýir kúni Sankt-Peterbýrgta «Sennaıa ploşad» jáne «Tehnologıcheskıı ınstıtýt-2» metro stansalarynyń aralyǵynda terakt bolyp, saldarynan 14 adam qaza tapty jáne 50-den astam adam jaraqat aldy. 
