Sankt-Peterbýrgte páteriniń balkonynan oq atqan er adam ustaldy

SANKT-PETERBÝRG. TASS-QazAqparat – Sankt-Peterbýrgtegi polıtsııa Prımorsk aýdanyndaǵy óz páteriniń balkonynan birneshe ret ańshy myltyǵynan oq atqan adamdy ustady, dep habarlaıdy QazAqparat TASS agenttigine silteme jasap.

«27 naýryz kúni Máskeý ýaqyty boıynsha saǵat 00:44-te Bas basqarmanyń kezekshi bólimine «112» arqyly Parashıýtnaıa kóshesindegi 61-úıde atys bolǵany týraly habar kelip tústi. Atalǵan mekenjaıǵa kelgen polıtsııa qyzmetkerleri Parashıýtnaıa kóshesindegi 64/4-úı páteriniń balkonynda 1981 jyly týǵan azamat óziniń ańshy myltyǵynan buzaqylyq nıetpen birneshe ret oq atqanyn anyqtady. Er adam aýmaqtyq polıtsııa bólimine jetkizildi», - delingen basqarma habarlamasynda.

Odan myltyq, alty patron jáne 46 gılza tárkilendi. Qylmystyq is qozǵaý máselesi sheshilýde.