Sankt-Peterbýrgte Nursultan Nazarbaevtyń «Táýelsizdik dáýiri» kitaby tanystyryldy
Sharaǵa QR Konstıtýtsııalyq Keńesiniń tóraǵasy Qaırat Mámı, QR Tuńǵysh Prezıdenti - Elbasy Qorynyń atqarýshy dırektorynyń orynbasary I. Rogov, QR Ádilet mınıstriniń orynbasary E. Ázimova, Sankt-Peterbýrg memlekettik ýnıversıtetiniń rektory N.Kropachev jáne qaladaǵy mádenıet jáne óner qaıratkerleri qatysty.
QR Tuńǵysh Prezıdenti - Elbasy Qorynyń atqarýshy dırektorynyń orynbasary Igor Rogov kezdesýde kitaptyń Qazaqstannyń turaqty damýyndaǵy júrip ótken jolyn kórsetetinin atap ótti. Onyń pikirinshe, bul basylym - ósip kele jatqan urpaqqa ótkennen sabaq alyp, jańa jetistikterge jetýine kómektesetin taptyrmas qural.
Sonymen birge, Sankt-Peterbýrg memlekettik ýnıversıtetinde "Astana - Uly dala marjany" taqyrybynda fotokórme qoıyldy. Onda kelýshiler nazaryna Qazaqstan astanasynyń 60 biregeı fotosýreti qoıyldy.
Sondaı-aq, Igor Rogov III Peterbýrgtik halyqaralyq quqyqtyq forýmyna qatysyp, "Zamanaýı ýrbanıstıkany quqyqtyq retteý: yqtımal áleýmettik qaterler men megapolıster ósiminiń keleshegi" taqyrybynda sóz sóıledi.
Igor Rogov forým qatysýshylaryna Qazaqstannyń astanasyn aýystyrýy, onyń ekonomıkalyq, ǵylymı jáne mádenı áleýetin damytý jáne 20 jyldyq mereıtoıǵa arnalǵan sharalar týraly áńgimelep berdi.