Sankt-Peterbýrgte mıgranttarǵa birqatar salada jumys isteýge tyıym salyndy
MÁSKEÝ. KAZINFORM — Qala bıligi shetel azamattarynyń dúkenderde, shashtarazdarda jáne fıtnes-klýbtarda jumys isteýine shekteý qoıdy. Tıisti jarlyq qalalyq úkimettiń resmı saıtynda jarııalandy, dep habarlaıdy agenttik tilshisi.
Qujatqa sáıkes, jańa sharalar zańsyz jumyspen qamtýdy azaıtýǵa baǵyttalǵan. Shekteýler Belarýs, Qazaqstan, Armenııa jáne Qyrǵyzstan azamattaryna, sondaı-aq jumys isteýge ruqsaty bar sheteldikterge qoldanylmaıdy.
Kompanııalarǵa qyzmetkerler sanyn jańartylǵan shekteýler tizimine sáıkestendirý úshin 2026 jylǵy 15 jeltoqsanǵa deıin merzim berildi.
Buǵan deıin Reseıdiń soltústik astanasynda shetel azamattaryna kýrer jáne taksı salalarynda jumys isteýge tyıym salynǵan bolatyn. Qala ákimshiligi bul shara qyzmet kórsetý sapasy men qaýipsizdigin arttyrýǵa baǵyttalǵanyn túsindirdi.
Sankt-Peterbýrg gýbernatory Aleksandr Beglovtyń aıtýynsha, shekteýler reseılik azamattarǵa, eń aldymen jastar men stýdentterge arnalǵan jumys oryndaryn bosatýǵa yqpal etýi tıis.
Buǵan deıin Reseıde eńbek mıgranttarynyń orys tilin bilýine qoıylatyn talap qaıta qaralýy múmkin ekenin jazǵanbyz.
