Sankt-Peterbýrgte koronavırýsqa qatysty shekteýler 6 jyldan keıin alyndy
MÁSKEÝ. KAZINFORM - 2020 jylǵy naýryzda engizilgen COVID-19 taralýyna qarsy is-sharalar týraly qala bıliginiń qaýlysy 2026 jylǵy 1 qazannan bastap kúshin joıady, dep habarlaıdy agenttik tilshisi.
Qujatty joıý týraly sheshim óńirdegi epıdemıologııalyq jaǵdaıdyń turaqtanýyna baılanysty qabyldandy. Tıisti nusqamany Sankt-Peterbýrg pen Lenıngrad oblysy boıynsha bas memlekettik sanıtarlyq dáriger shyǵardy.
Negizgi qaýlymen birge oǵan keıin engizilgen ózgerister men tolyqtyrýlar da kúshin joıady.
Alty jyldan astam ýaqyt boıy qoldanysta bolǵan qujat ár kezeńde koronavırýs ınfektsııasynyń taralýynyń aldyn alý sharalaryn rettedi. Onyń ishinde buqaralyq is-sharalardy ótkizýge, qoǵamdyq tamaqtaný oryndary men saýda nysandarynyń jumysyna qoıylatyn talaptar, sondaı-aq basqa da sanıtarlyq-epıdemıologııalyq shekteýler qamtyldy.
Sonymen qatar qaýlyda kózdelgen shekteý sharalarynyń basym bóligi buǵan deıin joıylǵan bolatyn. Qujattyń kúshi formaldy túrde 2026 jyldyń kúzine deıin saqtaldy.
Aıta keteıik, Qazaqstanda koronavırýs juqtyrý deregi 16 ese azaıdy.
