Sankt-Peterbýrgte Baıqońyr ǵarysh aılaǵy týraly fotokórme ashyldy

Fotokórme — Qazaqstan Prezıdentiniń Teleradıokesheni men ITAR-TASS aqparat agenttiginiń birlesken jobasy. Baıqońyr tarıhyn kórsetetin ekspozıtsııaǵa eki medıaqurylym usynǵan biregeı fotosýretter kirdi.

Kórmeni Qazaqstan Prezıdenti Teleradıokesheniniń dırektory Raýshan Qajybaeva jáne ITAR-TASS bas dırektory Andreı Kondrashov ashty.

Raýshan Qajybaeva is-sharaǵa qatysýshylarǵa arnaǵan sózinde kórmeni medıaforým aıasynda ótkizýdiń mańyzdylyǵyn atap ótti. Sebebi kásibı dıalog, mádenıet jáne BAQ senimdi nyǵaıtýǵa jáne tarıhı estelikti saqtaýǵa úles qosady.

Prezıdent TRK dırektory Baıqońyr ǵylymı progress, batyldyq jáne Qazaqstan men Reseıdiń ortaq tarıhynyń sımvoly bolyp qala beretinin atap ótti.

QR Prezıdenti Qasym-Jomart Toqaev Baıqońyr ǵarysh aılaǵy Qazaqstan men Reseı arasyndaǵy dostyqqa, tatý kórshilikke jáne ózara tıimdilikke negizdelgen uzaq merzimdi strategııalyq seriktestiktiń jarqyn úlgisi ekenin atap ótken bolatyn.

— Qazaqstan úshin Baıqońyr — erekshe maqtanysh, al Reseı úshin bul ǵarysh tarıhyndaǵy mańyzdy taraý. Bul senim, seriktestik jáne damýǵa ortaq mindetteme bolǵan kezde qanshalyqty kóp nársege qol jetkizýge bolatynyn eske salady. Baıqońyr ǵarysh aılaǵy, eń aldymen, osy áserli tarıhty jasaǵan adamdar. Ǵaryshkerler, ınjenerler jáne zertteýshilermen qatar, Baıqońyrdy jahandyq jáne ulttyq jadta máńgilikke qaldyrǵan tilshiler men fotograftardy atap ótken jón. Fotosýrettiń tańǵajaıyp kúshi bar. Ol ýaqytty toqtatyp, dáýir tynysyn beıneleıdi. Árbir fotosýrette jańalyqtar energııasy bar, ár kadr adamzatty juldyzdarǵa jaqyndatqan adamdar týraly esteligin beıneleıdi, — dedi R. Qajybaeva.

ITAR-TASS bas dırektory Andreı Kondrashovtyń aıtýynsha, kórmeniń taqyryby Baıqońyrǵa arnalǵany kezdeısoq emes, sebebi ǵarysh aılaǵy — Qazaqstan men Reseıdiń ortaq tarıhyndaǵy mańyzdy taraý. A.Kondrashov elder ǵarysh salasynda, sonyń ishinde «Báıterek» birlesken jobasy arqyly yntymaqtastyǵyn jalǵastyryp jatqanyn atap ótti.

— Ótken jyly biz Baıqońyr ǵarysh aılaǵynyń 70 jyldyǵyn atap óttik, al bıyl ǵaryshqa ushqan alǵashqy adam ıÝrıı Alekseevıch Gagarınniń ǵaryshqa ushýynyń 65 jyldyǵyn atap ótip jatyrmyz. Aıta ketetin jaıt, bıylǵy jyly qazaqtyń tuńǵysh ǵaryshkeri Toqtar Áýbákirovtiń ǵaryshqa ushýynyń 35 jyl toldy. Bizdiń fotograftarymyz ǵaryshty ıgerýdiń búkil tarıhyn baıandaıtyn birqatar keremet sýretter jasady, — dedi Andreı Kondrashov.

Birlesken fotokórmede Baıqońyr tarıhyndaǵy mańyzdy sátterdi beıneleıtin fotosýretter qoıylǵan: ıÝrıı Gagarın alǵashqy start aldynda túskeni, 1991 jyly halyqaralyq ekıpajdyń ushýy aldynda ǵaryshkerler, zymyran-tasyǵyshtardyń ushyrylýy, sondaı-aq ǵarysh aılaǵyndaǵy adamdar men onyń kúndelikti ómirin beıneleıtin sýretter. Olardyń arasynda Sergeı Korolevtiń Baıqońyrdaǵy úıiniń ıntereri jáne orbıtaǵa ushqan zamanaýı ekıpajdardyń fotosýretteri bar.

Kórmege alǵashqy kelýshiler qatarynda Qazaqstan-Reseı ІІІ medıa forýmynyń qatysýshylary — tıisti mınıstrlikter men vedomstvolardyń ókilderi, sondaı-aq Qazaqstan men Reseıden 40-tan astam teleradıokompanııa, aqparat agenttikteri, onlaın basylymdar, gazetter jáne zertteý ortalyqtarynyń basshylary boldy.