Sankt-Peterbýrgte Álııa Moldaǵulovaǵa eskertkish ornatyldy
SANKT-PETERBÝRG. QazAqparat - Ekinshi dúnıejúzilik soǵystaǵy Jeńistiń 74 jyldyǵy qarsańynda, Sankt-Peterbýrgte Keńes Odaǵynyń batyry, qazaq halqynyń dańqty qyzy Álııa Moldaǵulovaǵa eskertkish ornatyldy, dep habarlaıdy «QazAqparat» HAA menshikti tilshisi.
Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi Imanǵalı Tasmaǵambetov saltanatty sharada sóz sóıleı otyryp, «biz tek batyr otandasymyzdy eske alyp qana qoımaı, Ekinshi dúnıejúzilik soǵystaǵy barlyq batyrlarǵa, sonyń ishinde Lenıngrad qorǵaýshylaryna qurmet kórsetip otyrǵanymyzdy» atap ótti.
«19 jastaǵy Álııa úzdikterdiń biri boldy. Ol snaıperlik qarýynan 78 fashıstiń kózin joıyp qana qoımaı, óziniń jastyq shaǵy men ómirin barlyǵymyzdyń ortaq Otanymyz úshin qıdy», - dedi elshi.
Álııa Moldaǵulovanyń eskertkishi Sankt-Peterbýrgta Qyzyl gvardııa aýdanynda Qyzyl gvardııa kóshesindegi qala saıabaqtarynyń birinde ornalasqan. Bıiktigi 3 metrlik qoladan jasalǵan músin qyzǵylt granıtti tuǵyrǵa ornatylǵan. Oǵan batyr qyzdyń esimi men juldyzy oıylyp salynǵan. Tuǵyrdyń arǵy betinde onyń qaharmandyǵy týraly qysqasha málimet berilgen. 
Eskertkishti Sankt-Peterbýrg úkimeti, Reseıdegi Qazaqstan elshiligi, Aqtóbe jáne Atyraý oblystarynyń ákimdikteri birlesip ornatty. Shyǵarmashylyq jobanyń avtory - tanymal qazaq músinshisi Edige Rahmadıev.
Avtor:
