Sankt-Peterbýrgte 6 qazaqstandyq kásipqoı boksshy synǵa túsedi
Qazaqstandyq boksshy boıjetken chempıondyq belbeýlerin qorǵaýǵa kúsh salady. Sondaı-aq Sankt-Peterbýrgtegi boks keshinde basqa da otandastarymyz sharshy alańǵa shyǵady. Jekpe-jek jubynyń tolyq tizimi tómendegideı:
Reseılik Evgenıı Terentev belarýs Kırıll Samadýraýmen 10 raýndtyq jekpe-jekte kezdesedi.
Kásipqoı boksta jeńilip kórmegen qazaqstandyq Vıktor Kotochıgov taılyq Aekkave Kaevmanımen judyryqtasady. Jekpe-jek 6 raýndqa josparlanǵan.
Qazaqstandyq Jantil Ómirbaı WFA versııasy boıynsha álem chempıonaty tıtýlyna talasady. Qarsylasy - Belarýs boksshysy Rýslan Rodzıvıch.
Sondaı-aq, týrnır aıasynda Sankt-Peterbýrgtiń jas boksshysy Edgard Moskvıchev jekpe-jek ótkizedi. Onyń qarsylasy rostovtyq Alıklych Kanbolatov óz kezeginde 20-dan asa kásipqoı jekpe-jekti eńsergen.
Qazaqstandyq belgili nokaýtshy Alı Baloev ázerbaıjandyq Gýlhýseın Agazadamen judyryqtasady. Gýlhýseın osyǵan deıingi jekpe-jekterinde qarsylastaryn ýaqytynan buryn jeńip shyqqan.
Ózbekstannan kelgen Dılmýrodjon Bozorboev grýzındik boksshy Rýben Movsesıanmen judyryqtasady.
Reseıden Aleksandr Kostromın men Sergeı Beloshapkın jekpe-jekke shyǵady. Qos boksshynyń kúshi 6 raýnd boıy synalady.
Bul keshte qazaqstandyq Muhıt Amanbaev kásipqoı bokstaǵy alǵashqy jekpe-jegine shyǵady. Qarsylasy - ózbekstandyq Islomjon Hýjaev. Ol kásipqoı boksta 6 kezdesý ótkizgen.
Reseı atynan taǵy qos boksshy alǵash ret jekpe-jekke túsedi. Olar sankt-peterbýrgtik Vlad Stepanov pen oǵan qarsy Tolıattı qalasynan Vahıd Abbasov shyǵady. Olardy 4 raýndtyq tartys kútip tur.
Sońǵy juptyń esimderi ázirge belgisiz. Biraq onyń bireýi Qazaqstannan ekeni anyq. Bul jupty Reseı men Evropadaǵy úzdik rıng-anonser Aleksandr Zagorskıı habarlaıdy. Basty oqıǵanyń uıymdastyrýshysy - aty ańyzǵa aınalǵan boksshy, ıÝlııa Kýtsenkonyń promoýteri kishi Roı Djons. Kesh 8 qyrkúıek kúni Sankt-Peterbýrgte A2 arenasynda ótedi.