Sankt-Peterbýrg mamandary Ulttyq mýzeıde biliktilik arttyrý kýrsyn ótkizdi
NUR-SULTAN. QazAqparat - Qazaqstan Respýblıkasynyń Ulttyq mýzeıinde Sankt-Peterbýrg memlekettik mádenıet ınstıtýtynyń oqytýshylary qazaqstandyq mamandarǵa arnap biliktilik arttyrý kýrstaryn ótkizdi, dep habarlaıdy QazAqparat tilshisi.
Kýrsqa lektor retinde shaqyrylǵan pedagogıka ǵylymdarynyń kandıdaty, dotsent Lıýdmıla Shlıahtına men ınstıtýttyń aǵa oqytýshysy Natalıa Garshına Qazaqstan mýzeıleriniń ekskýrsovod mamandary men gıdterine jáne týrızm salasyndaǵy ózge de mamandarǵa arnap dáris ótkizip, sheberlik sabaqtaryn uıymdastyrdy.
Qatysýshylar úsh kún qatarynan mýzeologııa negizderi, mýzeı pedagogıkasy, ekskýrsııanyń teorııasy men praktıkasy týraly mol maǵlumattar aldy.
«Biliktilik arttyrý kýrsy kezinde mamandar qala keńistiginde ekskýrsııa júrgizý ádisterimen, ishki jáne syrtqy týrızm menedjmentiniń erekshelikterimen jáne gıd-aýdarmashylardyń jumysyna qoıylatyn jańa talaptarmen tanysty», - dedi otandyq týrızım kompanııasynyń ókili Saltanat Ábjanova.
Jańa ıdeıalarǵa, tyń bastamalarǵa toly bolǵan biliktilik arttyrý kýrsyn aldaǵy ýaqytta elimizdiń ózge óńirlerinde de uıymdastyrý josparlanǵan.
«Sankt-Peterbýrgtiń mamandary ótkizgen biliktilik arttyrý kýrsy kóńilimizden shyqty. Týrızm salasyndaǵy jumysymyzǵa jańa ıdeıalar berdi. Meniń oıymsha mundaı sharalar jıi uıymdastyrylýy qajet. Aldaǵy ýaqytta Shyǵys Qazaqstan oblysynda osy mamandardyń qatysýymen ekskýrsovodtar men gıdterge arnap, arnaıy bilikttilik arttyrý kýrsyn uıymdastyrýdy josparlap otyrmyz. Mamandardyń ózara osylaı tájirıbe almasyp, áriptestik aıasyn keńeıte bergenin óz basym qoldaımyn», - deıdi ShQO týrıstik aqparattyq ortalyǵy memlekettik kommýnaldyq mekemesiniń dırektory Symbat Ramazanov.
Aıta óteıik, qazaqstandyq mamandarǵa biliktilik arttyrý kýrstaryn ótkizý otandyq mýzeılerdiń suraýy boıynsha aldaǵy ýaqytta jıi ótkizilip, sheteldik mýzeı isiniń maıtalman mamandarymen baılanys nyǵaıa túspek.
