Sankt-Peterbýrg KVI ólimi boıynsha Reseıde birinshi orynǵa shyqty
MÁSKEÝ. QazAqparat – Reseıde koronavırýs juqtyrǵandardyń jalpy sany 750 myń adamnan asty, dep habarlaıdy QazAqparat menshikti tilshisi.
Reseı Federatsııasynyń 85 óńirinde 752 797 adam (+0,9%) koronavırýs ınfektsııasyn juqtyrǵan, dep habarlady KVI-ge qarsy kúres jedel shtaby.
Іndet bastalǵan kezeńde barlyǵy 531 692 adam emdelip shyǵyp, 11 937 adam qaıtys boldy.
Sońǵy táýlikte 6428 adamnyń aýrýǵa shaldyqqany anyqtaldy, 8443 adam emdelse, 167 adam koronavırýstan kóz jumdy.
16 shildedegi jaǵdaı boıynsha, Sankt-Peterbýrgte koronavırýs ınfektsııasynan qaıtys bolǵandar 5,92%-dy qurap otyr (juqtyrǵandar sany – 28662, qaıtys bolǵandar - 1698 adam). Bul Reseıdegi jalpy kórsetkishten 1,59%-ǵa joǵary.
Máskeýde bul kórsetkish - 1,84%. Sondaı-aq, adamdardyń indetten qaıtys bolý deńgeıi Daǵystan Respýblıkasynda - 4,85%, Tver jáne Týla oblystarynda - 2,56% jáne 2,21%.
