Sankt-Peterbýrg-Astana baǵytynda áýe reısi ashylady
ASTANA. QazAqparat - Reseılik «Red Wings» áýe kompanııasy Sankt-Peterbýrg-Astana baǵyty boıynsha ushýdy josparlap otyr. Mundaı aqparatty QR IIDM Azamattyq avıatsııa komıteti Feısbýktegi paraqshasynda jarııalady, dep habarlaıdy QazAqparat tilshisi.
«Azamattyq avıatsııa komıteti halyqaralyq áýe baǵyttaryn damytý boıynsha jumysty jalǵastyryp keledi. Dıplomatııalyq arnalar arqyly reseılik avıatsııalyq bılik organdarynan aptasyna 7 reıs jıiligimen Sankt-Peterbýrg - Astana baǵyty boıynsha reısterdi oryndaý úshin Red Wings áýe kompanııasynyń taǵaıyndaý týraly sheshim qabyldanǵany týraly xabarlama kelip tústi», - dep atap ótti komıtetten.
Qazirgi ýaqytta Astanadan Sankt-Peterbýrgke tikeleı reısterdi «Eır Astana» áýe kompanııasy aptasyna 6 ret jıilikpen oryndaıdy. Buryn reseılik taraptan bul baǵytta «Rossııa» avıakompanııasy ushqan bolatyn.
