Sankt-Peterborda «Jıyrmalyq toby» sammıtiniń ekinshi kúni bastalady
Keshe «Jıyrmalyq tobynyń» birinshi jumys otyrysy barysynda qatysýshylar álemdik ekonomıkadaǵy negizgi úrdister men olarǵa jaýap berý múmkindikterin talqylady. Taraptar qarjylyq retteý máselesi, sonyń ishinde salyq salasyndaǵy is-áreket jospary men jahandyq qarjy arhıtektýrasyn reformalaý boıynsha pikir almasty.
Sondaı-aq basty qorytyndy qujat - «jıyrmalyq» elderi kóshbasshylarynyń deklaratsııasynyń negizi bolatyn jumys oryndaryn qurý jáne ony qarjylyq retteý boıynsha Sankt-Peterbor is-áreket jospary qaraldy.
«Jalpy alǵanda, «jıyrmalyq» qıyn máselelerdiń sheshimin taba ala alatyn qabileti bar ekenin kórsetti. Qabyldanǵan sharalardyń arqasynda jaǵdaı birshama jaqsardy», - dedi V. Pýtın kezdesýdiń ashylýynda sóılegen sózinde. - Bizdiń basty mindetimiz - jahandyq ekonomıkany turaqty ári ornyqty ósim jolyna qaıtarý. Ázirge, ókinishke oraı, bul mindet oryndalǵan joq, demek, daǵdarystyń qaıtalaný qaýpine ákeletin sharttar, júıelik qaterler de áli saqtalýda».
Onyń atap ótýinshe, «HVQ-da damýshy jáne naryǵy endi qalyptasyp jatqan elderdiń rólin, basqasha aıtqanda, kvotalar men daýystaryn ósirý» álemdik ekonomıkany turaqtandyrý boıynsha basty sharalardyń biri bolýy tıis. Alaıda, ázirshe bul máselede oń úrdis baıqalmaıdy.
Sammıtte sonymen qatar jekelegen elder men halyqaralyq uıymdardyń basshylarynyń ekijaqty kezdesýleri ótti. Atalmysh kezdesýler barysynda yqpaldastyq sharalary talqylandy. Budan bólek, sammıtte bıznes pen kásipodaqtar músheleriniń G20 memleket jáne úkimet basshylarymen birqatar kezdesýleri ótkizildi.
«Úlken jıyrmalyq» basshylary kezdesýiniń basty resmı emes taqyryby - Sırııa tóńiregindegi jaǵdaı jáne Batys elderi tarapynan múmkin bolatyn áskerı ınterventsııa. Sońǵy kezderi V.Pýtın men AQSh prezıdenti Barak Obama arasyndaǵy qarym-qatynastardyń sýyǵany atalǵan máseleniń sheshilýine óz yqpalyn tıgizbeı qalǵan joq. Amerıka basshysy Reseıge kelgen sátinen bastap Pýtınmen betpe-bet kezdesýge nıet bildirmeı otyr. Reseılik SІM keshki as kezinde prezıdentter tildesip qalar dep úmit artqan. Alaıda tún jarymda aıaqtalǵan astan keıin qol jetkizilgen qandaı da bir ýaǵdalastyqtar jóninde habarlanǵan joq.
Esterińizge sala keteıik,«Jıyrmalyq tobyndaǵy» Reseıdiń tóraǵalyǵy 2012 jyldyń 1 jeltoqsanynda bastaldy, sammıt-2013 júrgizilip jatqan jumystyń basty qorytyndysy bolyp tabylady. «Úlken jıyrmalyq» sammıtine 20 eldiń basshylary, sondaı-aq arnaıy shaqyrylǵan 6 memlekettiń jáne ekonomıka salasyndaǵy eń iri 8 álemdik uıymnyń jetekshileri qatysýda.
Qazaqstan Sankt-Peterbordaǵy G20 sammıtine Eýrazııalyq ekonomıkalyq qaýymdastyq, Kedendik odaq jáne Táýelsiz memleketter dostastyǵynyń ókili retinde shaqyryldy.
