Sankt-Peterborda Raısa Gorbachevany eske alýda
SANKT-PETERBOR. Qyrkúıektiń 17-si. QazAqparat /Elena Mıagkova/ - Sankt -Peterborda Keńestik Sotsıalıstik Respýblıkalar Odaǵynyń tuńǵysh prezıdenti Mıhaıl Gorbachevtiń zaıyby Raısa Gorbachevanyń qaıtys bolýynyń 10 jyldyǵyna oraılastyrylǵan biregeı kórme ashylady. Kórmeni M.Gorbachevtiń ózi ashady.
Kórmege aıtýly tulǵa, pedagog, ǵalym, qoǵam qaıratkeri, ana, áıel, áje retindegi Raısa hanymdy jan-jaqty tanystyratyn túrli bıografııalyq materıaldar qoıylady. Fotosýretter, qujattar, kitaptar onyń qoǵamdyq jáne qaıyrymdylyq isteri týraly áńgimeleıdi. Halyqaralyq uıymdar men sheteldik ýnıversıtetterdiń nagradalary, túrli adamdar men uıymdar bergen syılyqtar da Raısa Gorbachevanyń qoǵamdyq qyryn keńinen asha túsedi.
Kórmege kelýshiler Gorbachevanyń jeke zattaryn, onyń ómirindegi aıtýly oqıǵalarmen baılanysty jádigerlerdi, mysaly Rım Papasy Ioann Pavel ІІ tartý etken katolık krestin, basqa da biregeı dúnıelerdi tamashalaı alady.
