Sankt-Peterborda mamyrdyń 9-ynda «Jeńis mınýty» aktsııasy ótedi

SANKT-PETERBOR. Sáýirdiń 21-i. QazAqparat /Elena Mıagkova/ - Sankt-Peterborda mamyrdyń 9-ynda «Jeńis mınýty» aktsııasy ótedi. Sharany uıymdastyrýshylardyń aıtýynsha, saǵat dál 19.45-te barlyq radostansa men telearnada «Jeńis kúni» áni shyrqalady.

Dańqty ándi mashınada, úıde, jumysta, kóshede tyńdaýǵa bolady. Aktsııanyń maqsaty - ardagerlerge, Uly Otan soǵysyna qatysýshylarǵa alǵys bildirý. Ardagerlerdiń kópshiligi densaýlyq jaǵdaılaryna baılanysty úılerinen shyǵa almaıdy. Biraq olar radıo tyńdap, teledıdar kóredi.

«Bizdiń bolashaǵymyz úshin ómirin aıamaǵan adamdarǵa osyndaı uly kúni «Rahmet!» aıtaıyq», - deıdi aktsııany uıymdastyrýshylar.