Sankt-Peterborda izdeýshilerdiń tapqan oljalary «Qorshaý kollektsııasy» kórmesine qoıyldy
Murajaıdyń baspasóz qyzmetiniń habarlaýynsha, kórmede «Soltústik-Batys» birlestigi músheleriniń izdestirý jumystarynyń barysynda tabylǵan Qyzyl Áskerdiń jaýyngerleri men ofıtserleriniń jeke zattary qoıylady. Zattar Peterbor men Lenıngrad oblysynyń aýmaǵynda tabylyp, birlestik qurǵan Áskerı arheologııa murajaıyna tabys etilgen.
Ár tabylǵan zattyń óz tarıhy bar. Birlestik ókilderiniń aıtýynsha, kórmeniń ortalyq eksponaty 1939 jyldyń jeltoqsanynda qaza tapqan áskerı ushqysh D.A.Denısenkonyń zattaryna arnalǵan. Zattar DB-3a bombalaýshy ushaǵy qulaǵan Karelııa moınaǵynda tabyldy, al ushaq batpaqtan alyp shyǵaryldy.
2006 jyly qurylǵan áskerı arheologııa murajaıy Petrovskıı dańǵyly, 2 meken-jaıynda jumys jasaıdy. Murajaıda keńestik-fındik jáne Uly Otan soǵysy kezeńderiniń áskerı tehnıkalarynyń bólikteri, fortıfıkatsııa elementteri, qarý-jaraqtar, áskerılerdiń zattary men ózge de soǵys jaraqtary qoıylǵan. Búgingi kúni Peterborda 27 izdestirý otrıady men birlestikter jumys jasaýda.
