Sankt-Peterborda bir otbasy bes aılyq balasy men kóliginen «aıyrylyp» qala jazdady
ASTANA. QazAqparat - Reseıde Sankt-Peterbor qalasynda turaqqa durys qoıylmaǵan kólikti tártip saqshylary alyp ketken. Evakýatsııalanǵan kólikte 5 aılyq sábı bolǵan, dep habarlady «TASS».
Oqıǵa jeksenbi kúni keshki ýaqytta oryn alǵan. Úlken balasyn ertip, dúkenge kirip ketken erli-zaıypty 5 aılyq balasyn kólikte qaldyrǵan. Olar, dúkende birneshe mınýt qana bolǵanyn aıtyp, aqtalǵan.
Polıtsııa qyzmetkerleri bul jaǵdaı boıynsha, taǵy da birneshe zań tártibi saqtalmaǵanyn aıtydy. Máselen, kólikte, balalarǵa arnalǵan avtomobıl kreslosy bolmaǵan. Sonymen qatar, kólik áınekterdi tumshalanǵan.
Oqıǵanyń mán-jaıy áli anyqtalýda.
