Sankt-Peterborda 2020 jylǵy Olımpıadalyq oıyndardy ótkizýge úmitker qalalardyń tanystyrylymy ótedi
ASTANA. 26 mamyr. QpazAqparat - Sankt-Peterborda búgin ashylatyn halyqaralyq «SportAkkord» konventsııasynyń aýqymynda Halyqaralyq Olımpıada komıteti Atqarý komıtetiniń otyrysy ótedi, onda 2020 jylǵy olımpıada oıyndaryn ótkizýge úmitker-qalalardyń tanystyrylymy bolady, dep habarlady ITAR-TASS.
Shara 26-31 mamyr aralyǵynda ótedi. Onyń resmı ashylýyna Halyqaralyq Olımpıada komıtetiniń prezıdenti Jak Rogge, Halyqaralyq olımpıada komıtetiniń músheleri, halyqaralyq sport federatsııalarynyń prezıdentteri, iri sport uıymdary men Eýropa keńesi, ıÝNESKO syqyldy halyqaralyq uıymdardyń basshylary qatysady.
Konventsııaǵa 2 myńǵa tarta adam qatysady , olardyń arasynda RF úkimetiniń músheleri, Reseı olımpıada komıtetiniń ókilderi, «Sochı-2014» Olımpıadasyn uıymdastyrý komıtetiniń basshylary, sport uıymdarynyń ókilderi bar.
«Sharaǵa 2014 jyly Sochıde ótetin HHІІ Olımpıadalyq qysqy oıyndar men HІ Paralımpıadalyq qysqa oıyndardy uıymdastyrý kezindegi qoǵamdyq mańyzdy sharalar baǵdarlamasy engizildi», dep habarlady uıymdastyrý komıteti. Konvenııa aýqymynda barlyq iri halyqaralyq sport federatsııalary basshylarynyń qatysýymen bas assambleıalar ótkiziledi. Sondaı-aq 2020 jylǵy Olımpıadany ótkizý quqyǵyna úmitker qalalardyń tanystyrylymy bolady.
«SportAkkord» qaýymdastyǵy» halyqaralyq kommertsııalyq emes sport uıymy, ol 105 halyqaralyq sport uıymdaryn, sonyń ishinde olımpıadalyq jáne olımpıadalyq emes sport túrlerinen 90 halyqaralyq federatsııany biriktiredi.
