Sankt-Peterborda 13 qabattan qulaǵan qazaqstandyq sýıtsıd jasaýy múmkin - polıtsııa
ASTANA. QazAqparat - Reseıdiń Sankt-Peterbor qalasyndaǵy kópqabatty úılerdiń birinen qulap ólgen qazaqstandyq azamat aldyn ala boljam boıynsha óz-ózine qol jumsaǵan, dep habarlaıdy QazAqparat.
«Aldyn ala boljam boıynsha, jigit ádeıi, ózin óltirgisi kelip sekirgen. Sankt-Peterborda onyń eki ápkesi turady, al, Qazaqstanda ákesi bar. Jigittiń ákesi balasynyń ólimin estidi. Qaza tapqan jigittiń kim ekeni 2014 jyly berilgen tólqujattyń arqasynda anyqtalǵan»,-deıdi QR Syrtqy ister mınıstrligi baspasóz qyzmetiniń jetekshisi Ánýar Jaınaqov.
Ánýar Jaınaqovtyń aıtýynsha, Sankt-Peterbordaǵy bas konsýldyq tergeýdi óz baqylaýyna alǵan. Qazaqstannyń dıplomattary tergeý bóliminiń qyzmetkerlerimen tyǵyz baılanysyp otyr.
Esterińizge sala keteıik, 32 jastaǵy qazaqstandyq jigittiń máıiti Peterbordaǵy Matros Jeleznıaka kóshesindegi №57 úıdiń qasynan tabylǵan bolatyn.
