Sankt-Peterbor ókimeti otandastaryn qoldaýǵa 224 mıllıon rýbl bóledi
SANKT-PETERBOR. 7 maýsym. QazAqparat /Elena Mıagkova/ - Reseıdiń Soltústik elordasynyń ókimeti shetelderde turyp jatqan reseılik otandastaryn qoldaý máselelerine aıryqsha nazar aýdarýda.
Olarmen dostyq baılanystardy nyǵaıtýǵa aldaǵy úsh jylǵa qala bıýdjetinen 224,5 mıllıon rýbl bólinip otyr.
Atap aıtqanda, jas otandastar úshin dástúrli forým ótkizý, shetelderde turyp jatqan turmysy tómen jerlesterdiń balalaryna jańajyldyq syılyqtar tapsyrý, ardagerlerge arnalǵan medıtsınalyq jabdyqtar jetkizý, jerles-sýretshilerdiń kórmelerin uıymdastyrý, shetelderge radıohabarlar translıatsııalaý qarastyrylýda,
Bul baǵdarlamaǵa sáıkes, álemniń 25 elindegi peterborlyqtarǵa qoldaý kórsetý josparlanǵan.
