Sankt-Peterbor bes mıllıonynshy turǵynyn kútip otyr
ASTANA. 24 qyrkúıek. QazAqparat - Sankt-Peterbordyń bes mıllıonynshy turǵyny 22-23 qyrkúıekte dúnıege keledi. Bundaı boljamdy statıstıkalyq málimetterdi negizge ala otyryp qala úkimeti jasady.
«Kún saıyn Peterborda 160-180 bala týady. Endi kóshi-qon jáne demografııalyq úderisterdi eskere otyryp, 5 mıllıondyq turǵynnyń paıda bolýy 22 qyrkúıekte nemese 23 qyrkúıekte kútilip otyr», - deıdi densaýlyq saqtaý komıtetiniń analar men balalarǵa medıtsınalyq kómek kórsetý bóliminiń bastyǵy Anatolıı Sımahodskıı.
Atalǵan qala óziniń tarıhynda ekinshi márte bes mıllıondyq mejege jetkeli otyr. Birinshi ret osyndaı oqıǵa 1988 jyly bolǵan edi. Búginde sondaǵy mereıtoılyq azamat Pavel Rýsakov peterborlyq ýnıversıtettiń fılosofııa fakýltetin támamdap, otbasyn qurdy.
