Sanktsııaǵa ilingen reseılik kompanııalardyń Qazaqstanǵa kirýine shekteý qoıylady
«Ár kompanııa bul sanktsııalardy jeke qabyldaıdy. Sondyqtan mundaı koordınatta jumys isteý óte kúrdeli. Ázirshe bizdiń qolymyzdan kelip otyr jáne bir de bir qazaqstandyq kompanııa tikeleı de, qaıtalama da sanktsııaǵa ilikken joq. Muny jiti qadaǵalap otyrmyz. Bizge Reseıden ketip jatqan, naryǵymyzdyń kólemine baılanysty Qazaqstanǵa múddelik tanytpaǵan, biraq, qazir basqa alańdar izdeýge májbúr sheteldik úlken kompanııalar qyzyq. Mundaı kompanııalarmen óte belsendi jumys istep jatyrmyz. Naýryzdan beri elshilerimiz olardyń basty keńsesimen kelissóz júrgizip jatyr. Olarǵa jergilikti seriktester, ornalastyrý úshin jedel alańdar izdeýdemiz», - dedi ol ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.
Mınıstrdiń orynbasary reseılik kompanııalar Qazaqstandy jaqsy biletindigin atap ótti.
«Sondyqtan olardy ornalastyrýmen belsendi túrde aınalysyp jatqanymyz joq. Biraq, sanktsııalyq kompanııalardy, sanktsııaǵa ilingen jeke tulǵalardy qadaǵalap otyrmyz. Úsh deńgeıli tekserý bar. Olar kelgende sony qoldanamyz. Eger quryltaıshy ne jeke tulǵa sanktsııaǵa ilikse nemese reseılik basty kompanııa sanktsııa qursaýynda bolsa, onda ondaı kompanııaladyń elimizge kirýine shekteý qoıamyz. Óıtkeni, qarjylyq operatsııa júrgizý, bank qyzmetterin kórsetý múmkin emes. Degenmen, reseılik kompanııalardyń kelip jatqanyn kórip otyrmyz. Ony ózderińiz de sezgen shyǵarsyzdar. Jańa zańdy tulǵalardyń tirkelýi eselep artty. Negizinen olar - ІT sektoryndaǵy jáne saýda salasyndaǵy kompanııalar. ıAǵnı, shaǵyn jáne orta bıznes kóship jatyr jáne belsendi jumys isteýde», - dedi Almas Aıdarov.
Foto: ortcom.kz
