Sanktsııa Qazaqstan men Reseı arasyndaǵy saýdaǵa áser etse, onyń zardaby aýyr bolady - SІM

ASTANA. QazAqparat – Byltyrdan bastap Qazaqstan Reseıge áskerı maqsattaǵy taýarlardy jetkizýdi tolyq toqtatty. Bul týraly Ortalyq kommýnıkatsııalar qyzmetinde ótken brıfıngide Syrtqy ister mınıstriniń orynbasary Almas Aıdarov aıtty, dep habarlaıdy QazAqparat tilshisi.

«Byltyrdan bastap Reseıge áskerı maqsattaǵy taýarlardy jetkizýdi tolyq toqtattyq. Sonymen qatar, elektrondy shot-faktýralar arqyly sanktsııa salynǵan barlyq taýarlarǵa monıtorıng jasalady. «Bir kúndik» kompanııalardy anyqtaımyz, ıaǵnı eshqandaı qyzmet kórsetý boıynsha tarıhy joq, bir kúnniń ishinde qurylǵan taýar jetkizýshilerge jol bermes úshin tekseris júrgiziledi. Sondyqtan, Qazaqstanǵa qatysty santsııa táýekelderi men qaýip kórip otyrǵan joqpyz. Elimiz janama santsııalardy boldyrmaý úshin sharalar qabyldap otyr», - dedi mınıstrdiń orynbasary BAQ ókilderiniń saýalyna jaýap bere otyryp.

Sondaı-aq, Almas Aıdarov Reseıge salynǵan sanktsııalar eki el arasyndaǵyy dástúrli saýda-sattyqqa áser etetin bolsa, onda onyń zardaby aýyr bolatynyn jetkizdi.

«Biz úshin sanktsııa salynýy yqtımal elder orbıtasyna túskenimizdiń ózi - zor qaýip. Qazaqstannyń mundaı memeleketter qataryna qosylmaǵany mańyzdy. Bárimiz bilemiz, Reseıge qatysty yqtımal sanktsııalardyń barlyǵy qoldanyldy. Endi ol janama sanktsııalarǵa ulasýy múmkin. Al, Qazaqstannyń Reseımen aradaǵy taýar aınalymy jyl saıyn 25 mlrd dollar kóleminde. Eger qazir bizdiń dástrúrli saýda-sattyǵymyzǵa sanktsııa áser etse, onda onyń Qazaqstan men Reseıge tıgizetin saldary aýyr bolady. Sondyqtan, bizdiń jumystardyń barlyǵy sanktsııaǵa túspeýge baǵyttalady», - dep túıindedi Almas Aıdarov.

Qosa ketsek, mınstrdiń orynbasary byltyr Qazaqstanǵa tartylǵan tikeleı sheteldik ınvestıtsııalar kólemi 28 mlrd dollarǵa jetkenin atap ótti. Bul - 2021 jylǵy kórsetkishterden 17,7%-ǵa artyq. Almas Aıdarovtyń aıtýynsha, atalǵan meje - keıingi 10 jyldaǵy rekordtyq kórsetkish.