Sank-Peterbýrg dárigerleri Petropavlda qabyldaý ótkizdi
ASTANA. QazAqparat - Eýropa ǵalymdary osteohondroz, qan qysymynyń turaqsyzdyǵy jáne bas aýrýy sııaqty jıi kezdesetin dertterdi emdeıtin ómirsheń ádis oılap tapty, dep jazady «Egemen Qazaqstan» gazeti.
«Zertteý nátıjesi kórsetkendeı, bala týǵan kezde birinshi moıyn omyrtqasynyń, ıaǵnı atlanttyń jyljý qaýpi bar. Eger osy qubylys oryn alatyn bolsa, qan aǵymy buzylyp, júıke qabyqshasy zaqymdanady. Al bul óz kezeginde bas aýrýlaryna ákelip soǵady. Osy salada tájirıbe almasýǵa keldik», deıdi Sankt-Peterbýrgtaǵy «Atlant» medıtsınalyq ortalyǵynyń dáriger-reabılıtology Vladımır Bochanovskıı. Onyń aıtýynsha, usynylyp otyrǵan sheteldik ádis óte tıimdi ári qaýipsiz. Omyrtqaǵa esh zaqym kelmeıdi. Osy ádistiń kómegimen naýqasty tolyqtaı emdep shyǵýǵa bolady.
«Atlant» medıtsınalyq ortalyǵynyń dárigerleri ádisti jete meńgerýmen qatar shveıtsarııalyq medıtsınalyq qurylǵylardyń kómegine júginedi eken. «Osydan 6 jyl buryn oqystan qulap, moıynym qatty zaqymdanǵan edi. Ortalyqqa qaralýdyń arqasynda moıyn súıek qalpyna keldi», deıdi patsıentterdiń biri. Ondaǵan petropavldyq reseılik dárigerlerdiń qabyldaýynda bolyp, jandaryna shıpa tapty.
