Sank-Peterborda tanymal adamdar boıaǵan farfor qoıandardyń aýktsıony ótedi
SANKT-PETERBOR. 30 qarasha. QazAqparat /Elena Mıagkova/ - 2 jeltoqsanda Sankt-Peterborda kelesi jyldyń sımvoly - qoıandar aýktsıony ótedi.
Bul aýktsıonnyń ereksheligi sol, jańajyldyq qaıyrymdylyq aýktsıonda tanymal adamdar boıaǵan farfor qoıandar satylady.
Kelýshiler Lıýdmıla Gýrchenko, Frederık Begbeder, Roxette toby, Mıhaıl Shemıakın, Djo Koker, Vıacheslav Býtýsov, Fılıpp Kırkorov, Antonıo Banderas, Stıng, Ozzı Osborn, Inna Bednyh, Alısa Freındlıh, Monserrat Kabale, Evgenıı Grıshkovets, Andreı Makarevıch syndy tanymal adamdar boıaǵan 50 farfor qoıandy satyp ala alady. Odan túsken barlyq qarjy balalar úıleriniń birine beriledi.
Esterińizge sala keteıik, mundaı alǵashqy qaıyrymdylyq aýktsıony 2009 jyldyń qarsańynda ótkizilgen bolatyn. Sıyr jylynyń qarsańy bolǵandyqtan, ol joly solardyń músinderi satylǵan edi. Odan keıin, taǵy eki aýktsıon ótip, qaıyrymdylyq maqsatyna biraz qarjy jınaldy.
