Sanıtarlyq-epıdemıologııalyq jáne tótenshe jaǵdaılar tekserisi boıynsha 11 myń talap joıyldy
Feısbýk áleýmettik jelisi arqyly tikeleı kórsetilimi júrip jatqan shara barysynda Bas prokýratýra elde qalypty bıznes ortasyn qurý boıynsha ótkizilip jatqan jumystardyń nátıjelerimen bólisti. Jol kartasy aıasynda qabyldanǵan júıeli sharalardyń birneshe nátıjesi jarııa etildi. Atap aıtqanda, sanıtarlyq-epıdemologııalyq jáne tótenshe jaǵdaılar jelileri boıynsha tekseristerde qoıylatyn 11 myń talap alynyp tastaldy. Tek adamdardyń qaýipsizdikteri men densaýlyqtary úshin mańyzdy 3 myń talap qaldyryldy. Ekinshiden, Memleket basshysynyń tapsyrmasyn oryndaý aıasynda ákimshilik protsesti izgilendirý boıynsha máseleler pysyqtalýda.
Jeńildetilgen jaǵdaıda bıznes úshin ákimshilik aıyppuldy 30 paıyzǵa tómendetý jónindegi usynys Májiliste qaralýda. Úshinshiden, ekonomıkalyq qylmystardy qozǵaýǵa ustanymdar ózgertildi. Tekseris jáne zalaldarǵa qatysty aktileri bolǵan jaǵdaıda ǵana qylmys tirkeledi. Osynyń nátıjesinde qylmystyq ister 10 esege azaıyp otyr.
Otyrysta sondaı-aq, ýákilettik organdardyń, aýmaqtyq organdardyń jumystaryndaǵy kemshilikter atalyp ótýde. Qaraǵandy oblysy prokýratýrasynyń qyzmetteri jeke synǵa alynýda.