Sanıtarlyq-epıdemıologııalyq qadaǵalaý júıesi jetildirile túsetin bolady - J. Bekshın
ASTANA. QazAqparat - Elimizde sanıtarlyq-epıdemıologııalyq qadaǵalaý júıesi jetildirile túsetin bolady. Búgin Ortalyq kommýnıkatsııalar qyzmetindegi brıfıng barysynda QR Tutynýshylardyń quqyqtaryn qorǵaý agenttigi tóraǵasynyń orynbasary - Qazaqstannyń bas sanıtarlyq dárigeri Jandarbek Bekshın osylaı málimdedi.
Brıfıng barysynda elimizdiń Bas sanıtary Prezıdent N. Nazarbaevtyń kásipkerlik qyzmetin damytýdyń túbegeıli sharalaryna qatysty júktegen tapsyrmasyna toqtala kele, osy maqsatta sanıtarlyq-epıdemıologııalyq qadaǵalaý júıesi jetildirilip jatqanyn atap ótti.
«Qazirgi tańda elimizde 123 myń nysan sanıtarlyq-epıdemıologııalyq qyzmettiń baqylaýynda tur. Al baqylaýdyń jańa formasyna kelsek, qazirgi kúni biz osy nysannyń barlyǵyn úsh táýekel tobyna jiktedik. Onyń birinshisi - epıdemıologııalyq máni joǵary nysandar. Oǵan birinshi kezekte ortalyqtandyrylǵan sýmen jabdyqtaý nysandary, táýlik boıy adamdar qabyldaıtyn mekemeler, medıtsınalyq, hırýrgııalyq, akýsherlik,pedıatrlyq baǵyttaǵy statsıonarlar jatady. Jalpy, birinshi topqa kiretin nysandar jalpy barlyq nysannyń 10 paıyzyn quraıdy. Al ekinshi topqa - ortasha epıdemıologııalyq máni bar nysandar enedi. Olardyń úlesi 30 paıyzǵa jýyq jáne buǵan táýlik boıy qyzmet kórsetetin, saltanatty, buqaralyq sharalardy júzege asyratyn nysandar jatady», - deıdi Jandarbek Bekshın.
Onyń aıtýynsha, úshinshi táýekel tobyna epıdemıologııalyq qaýiptiligi onsha joǵary emes nysandar enip otyr. Bulardyń jalpy úlesi 60 paıyzǵa jýyq.
«Qazirgi tańda joǵary jáne ortasha deńgeıli táýekelderge jatatyn nysandardaǵy josparly tekseris burynǵyǵa qaraǵanda eki esege qysqartylady. ıAǵnı, táýekeli joǵary nysandar buryn toqsan saıyn tekserilse, endi jartyjyldyqta bir ret qana tekseriledi. Al ortasha sanattaǵy nysandar buǵan deıin jylyna eki ret tekserilip tursa, qazir jylyna bir ret qana tekseristen ótedi», - deıdi J. Bekshın.
