Sanıtarlyq-epıdemıologııalyq qadaǵalaý qyzmeti tekserýler sanyn 3 esege deıin qysqartady

ASTANA. QazAqparat - Sanıtarlyq-epıdemıologııalyq qadaǵalaýda turǵan nysandardyń 60 paıyzyna josparly tekserý múldem alynyp tastalady. Búgin Ortalyq kommýnıkatsııalar qyzmetindegi brıfıng barysynda QR Tutynýshylardyń quqyqtaryn qorǵaý agenttigi tóraǵasynyń orynbasary - Qazaqstannyń Bas sanıtarlyq dárigeri Jandarbek Bekshın osylaı málimdedi.

«Elimizdiń 123 myńnan astam nysany sanıtarlyq-epıdemıologııalyq qyzmettiń baqylaýynda tursa, solardyń 60 paıyzy epıdemıologııalyq táýekeli joǵary emes nysandar bolyp tabylady. Elbasynyń tapsyrmasyna sáıkes, mundaı nysandar tekserýden tyıylyp, eskertý sıpatyna kóshiriledi. ıAǵnı, nysandardyń 60 paıyzy josparly tekserý formatynan alynyp tastalady degen sóz», - dedi Qazaqstannyń Bas sanıtary.

Onyń sózine qaraǵanda, josparly tekserýler tek qaýiptiligi men táýekeli joǵary jáne ortasha nysandarǵa ǵana saqtalady. Nátıjesinde sanıtarlyq-epıdemıologııalyq qadaǵalaý salasyndaǵy tekserister 3 esege deıin tómendeıdi. «Sanıtarlyq qyzmet salasynda ruqsat berý sıpatyndaǵy qujattar sany bes esege azaıady», - dedi J. Bekshın.