Sanıtarlyq dárigerler Jańa jyldy qalaı ótkizý qajettigi týraly keńes berdi
«Jańa jyl qarsańynda korporatıvti keshterdiń kóptep uıymdastyrylatyny belgili. Osy rette meıramhanalar men dámhanalardyń ıelerin taǵamnan ýlanyp qalý jaǵdaılaryna saq bolýdy eskertemiz. Qyzmet kórsetýshiler jeke bas gıgıenasy men taǵamdardyń tazalyǵyna muqııat bolýlary kerek. Azyq-túlikter tyńǵylyqty tazalanyp, kókónister men jemister jaqsylap jýylǵandary jón. Shıki jáne pisken taǵamdar úshin paıdalanylatyn quraldar tek óz maqsaty boıynsha ǵana qoldanylýy kerek»,-delingen vedomstvo habarlamasynda.
Sonymen qatar mamandar túrli taǵamdardy daıyndaý barysynda buzylmaǵan, sapaly azyq-túlikterdi paıdalanýǵa keńes beredi. Shıki ónimderdi pisken taǵamdardan mindetti túrde bólek ustap, maıonez ben qaımaqtan jasalatyn taǵamdardy shekten tys kóp daıyndaýdyń qajetti joq. Jumyrtqa qosyp, qus etinen daıyndalatyn taǵamdardyń qaýipsizdigin qadaǵalaý qajet.
Vedomstvo ókilderi dastarhandy merekelik shara bastalmas buryn, tym erte daıyndaýdyń qajeti joqtyǵyn aıtady. Daıyndalǵan taǵamnyń barlyǵyn qajetti temparatýrada saqtap, olardy saqtaý merziminiń ótip ketpeýin qadaǵalaǵan jón.
