Sanıtarlar áýejaılar men temirjol vokzaldarynda 32,4 myń adamdy tekserdi
Komıtettiń málimetinshe, QHR men shekaralas memleketterden kelgen azamattarǵa monıtorıng jalǵasýda. 2020 jylǵy 6 qańtardan 28 aqpanǵa deıin elimizge 32 456 adam kelgen.
«6 qańtar - 28 aqpan aralyǵynda Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıtetiniń sanıtarııa-karantın pýnktteriniń mamandary halyqaralyq áýejaılarda jáne temirjol vokzaldarynda Qytaımen shekaralas memleketter arqyly ótkizý pýnktterinde – 32 456 adamdy qarap-tekserdi.
Kelgen 24 469 adam monıtorıngige alyndy, 24 432-inen monıtorıng alynyp tastaldy, sońǵy 14 kúnde kelgen 27 adam medıtsınalyq baqylaýda qalady», delingen habarlamada.
1 naýyryzda ystyǵy kóterilgen jáne JRVI belgisi bar 165 adam emdeýge jatqyzyldy, onyń barlyǵy qazir úılerine shyǵaryldy.
Sondaı-aq, 23 aqpanda túnde saǵat 2:30-da Nur Sultan qalasyna Tokıo qalasynan 20 qazaqstandyq azamat keldi (onyń ishinde 4 adam – «Diamond Princess» japon laıneriniń jolaýshysy). Barlyǵy medıtsına jáne zerthana tekserýinen ótý úshin aýrýhanaǵa jetkizildi. Olardyń jaǵdaıy qanaǵattanarlyq.
Emdeýge jatqyzylǵandardyń barlyǵynyń synamasy qosymsha baqylaý úshin Almatydaǵy Aıqymbaev atyndaǵy asa qaýipti ınfektsııalar ulttyq ǵylymı ortalyǵyna jiberildi. Bul ortalyq jańa koronavırýsty PTR-dıagnostıkalaý ádistemesin ıgergen.
Respýblıkada qoldaýshy terapııa úshin qajetti dáriler men medıtsınalyq maqsattaǵy buıymdar jetkilikti, ınfektsııalyq aýrýhanalarda oqshaýlaýǵa arnalǵan boks oryndar bar, dárigerlik jáne orta medıtsına personaly daıyndalǵan.
Bul jaǵdaı QR Densaýlyq saqtaý mınıstrliginiń turaqty baqylaýynda ekenin atap ótý qajet.
Densaýlyq saqtaý mınıstrligi jańa koronavırýs ınfektsııasynyń taralýyn boldyrmaý úshin kelesi aldyn-alý sharalaryn saqtaýdy usynady:
- qoldy, betti sabynmen jıi jáne muqııat jýý kerek;
- qoldy zalalsyzdandyrýda spırtti antıseptık qoldaný kerek;
- adam kóp jınalatyn oryndardan aýlaq bolyńyz;
- naýqas adamdarmen baılanysta bolmaý kerek;
- sýyq tııý belgisi (ystyq kóterilý, muryn bitelýi, jótel, tamaqtyń aýrýy) paıda bolǵan jaǵdaıda, turǵylyqty jerińiz boıynsha dáriger keńesin alý qajet.
Resmı aqparatty mınıstrliktiń áleýmettik jelidegi paraqshasynan bilýge bolady, suraqtar boıynsha táýlik boıy jumys isteıtin 1406 nómirli Call-ortalyqqa qońyraý shalýǵa bolady.