Sanıtarııalyq talaptardy áli de saqtaý kerek – Premer-Mınıstr

NUR-SULTAN. QazAqparat – QR Premer-Mınıstri Asqar Mamın sanıtarııalyq-epıdemıologııalyq talaptardy saqtaý sharalaryn jalǵastyrýdy tapsyrdy, dep habarlaıdy QazAqparat.

«Jalpy epıdemıologııalyq jaǵdaı turaqty deýge bolady. Infektsııalyq jáne reanımatsııalyq oryndardyń júktemesi – 19 paıyzdy qurap otyr. Jasyl aımaqta – 15 óńir, sary aımaqta 2 óńir bar: bul Pavlodar jáne Soltústik Qazaqstan oblystary. Degenmen sanıtarııalyq-epıdemıologııalyq talaptardy saqtaý, ásirese memlekettik shekarada muqııat qadaǵalaý qajet», - dedi Premer-Mınıstr.

Úkimet basshysy kóptegen elderde jańa shtamǵa baılanysty naýqastanýdyń kezekti tolqyny bastalyp jatqanyn aıtty. Álemde vırýstyń jańa shtamynyń tez taralýyna baılanysty ǵımarattardyń ishinde, qoǵamdyq kólikte maska kııý, adamdar kóp jınalatyn jerlerde áleýmettik ara qashyqtyqty saqtaýǵa asa nazar aýdarý qajet.

«Qazirgi ýaqytta shamamen 9 mln adam birinshi komponentti saldyrdy, bul 18 jastan asqan halyqtyń 80 paıyzyna jýyǵy, al 8,4 mıllıonnan astam adam ekinshi komponentti saldyrdy, bul – shamamen 75 paıyz. Sondyqtan Densaýlyq saqtaý mınıstrligi men ákimdikter vaktsınatsııalaý jáne revaktsınalaý qarqynyn ulǵaıtýǵa erekshe mán berýi tıis», - dedi Asqar Mamın.