Sanıtarııalyq avtokólikter satyp alýǵa 24,5 mlrd teńge qajet - DSM
«Memleket basshysynyń 2019 jylǵy 30 qańtardaǵy Qazaqstan Respýblıkasy Úkimetiniń keńeıtilgen otyrysynda bergen tapsyrmasyn oryndaý aıasynda mınıstrlik óńirlermen birlesip, ambýlatorııalyq-emhanalyq uıymdardyń, jedel járdem stansalarynyń, statsıonarlardyń shuǵyl qyzmetteriniń, sondaı-aq aýyldyq aýrýhanalyq uıymdardyń materıaldyq-tehnıkalyq bazasyn jaqsartý boıynsha jumystar júrgizýde», - dedi ol.
Bul rette onyń aıtýynsha, 2021 jylǵa deıingi aldyn ala qajettilik 156,5 mlrd teńgeni quraıdy.
«Onyń ishinde sanıtarııalyq avtokólikke 24,5 mlrd teńge, jyljymaly medıtsınalyq keshenderge 2,5 mlrd teńge, tehnıkalyq jabdyqtaýǵa 77,2 mlrd teńge, kúrdeli jóndeýge 52,3 mlrd teńge qajet. Bıýdjette 121,4 mlrd teńge kózdelgen. Qajettilik 35,1 mlrd teńgeni quraıdy. Atalǵan qarjynyń 27 mlrd teńgesin respýblıkalyq bıýdjetten jáne 8,1 mlrd teńgesin jergilikti bıýdjetterden alý usynylady», - dedi vıtse-mınıstr.
Esterińizge sala ketsek, 30 qańtarda ótken Úkimettiń keńeıtilgen otyrysynda Qazaqstan Prezıdenti óńirlerdegi medıtsınalyq qyzmet kórsetý isiniń qoljetimdiligine qatysty problemalarǵa toqtalyp, «Salamatty Qazaqstan» arnaıy poıyzdaryn iske qosý jónindegi jobanyń tıimdiligin aıtty.
«Shalǵaı aýyldarda jyljymaly medıtsınalyq tekserý oryndaryn uıymdastyrýǵa bolady. 3 jyl ishinde jedel járdem qyzmetin avtomobıldermen jáne reanımobıldermen qamtamasyz etý isin sheshý kerek. Osynyń bárine 27 mıllıard teńge bólý qajet. Ákimder 2020 jyldyń aıaǵyna deıin ınventarızatsııalaý negizinde, eń aldymen, aýdandyq aýrýhanalar men emhanalardy qajetti medıtsınalyq qural-jabdyqtarmen tolyq qamtamasyz etýi qajet», - dedi Nursultan Nazarbaev.