Sanıtarııalyq qorǵaý aımaqtaryna qoıylatyn talaptar jańartyldy
ASTANA. KAZINFORM - Investıtsııalardy qoldaý maqsatynda sanıtarııalyq-qorǵaý aımaqtaryna qoıylatyn sanıtarııalyq-epıdemıologııalyq talaptarǵa ózgerister engizildi. Tıisti buıryq 2025 jylǵy 31 jeltoqsanda qol qoıylyp bekitildi.
QR QR Densaýlyq saqtaý mınıstrligi Sanıtarlyq-epıdemıologııalyq baqylaý komıteti baspasóz qyzmetiniń habarlaýynsha, engizilgen túzetýler ınvestıtsııalyq ahýaldy jaqsartýǵa baǵyttalǵan. Endi halyqtyń densaýlyǵy úshin qaýipsizdikti jáne qolaıly jaǵdaılardy qamtamasyz etetin gıgıenalyq normatıvter mindetti túrde saqtalǵan jaǵdaıda, qoldanystaǵy ónerkásip alańdarynda jańa óndiristerdi ornalastyrýǵa ruqsat etiledi.
Jobalar sanıtarııalyq-qorǵaý aımaǵynyń shekarasyndaǵy eseptik kórsetkishtermen, aýa sapasyna júrgizilgen zerthanalyq zertteýlerdiń nátıjelerimen, sondaı-aq áser etetin fızıkalyq faktorlardyń deńgeıimen normatıvterge sáıkestigin rastaýy tıis. Sonymen qatar halyqtyń densaýlyǵyna tónetin qaýip-qaterdi baǵalaý júrgizilip, ol densaýlyq saqtaý salasyndaǵy ǵylymı uıymdardyń kelisimnen ótýi mindetti.
- Bul ózgerister azamattardyń, bıznestiń jáne memlekettiń múddeleri arasyndaǵy tepe-teńdikti qamtamasyz etip, sanıtarııalyq-epıdemıologııalyq qaýipsizdikti saqtaı otyryp, turaqty áleýmettik-ekonomıkalyq damýǵa yqpal etedi, - delingen habarlamada.
Osyǵan deıin dári-dármekter men medıtsınalyq qyzmetterdiń keıbiri qosymsha qun salyǵynan bosatylatyny týraly jazdyq.