Sangar buǵazyn júzip ótken 73 jastaǵy japondyq álemdik rekord ornatty
ASTANA. QazAqparat - Hırosımalyq qarııa Tsýgarany (Sangar buǵazy) júzip ótip, álemdik rekord ornatty. 73 jastaǵy Toshıo Tomınaga 30 shaqyrymdy 10 saǵatta júzip ótip, mundaı qashyqtyqty baǵyndyrǵan eń kári adam atandy.
Sangar buǵazy Japonııanyń Honsıý jáne Hokkaıdo araldary arasynda ornalasqan jáne Japon teńizi men Tynyq muhıtynyń arasyn jalǵap tur.
Tomınaga jergilikti ýaqytpen tańǵy 05:30-da Tsýgarý túbeginen júzýdi bastady jáne 15:30-da Hokkaıdo aralyndaǵy Fýkýsıma qalasynyń jaǵalaýyna jetti, dep habarlady Kyodo.
Qart japondyqtyń 67 jastaǵy áıeli ıÝkıko keme arqyly kúıeýiniń sońynan júzip otyrdy jáne ózge de jankúıerlermen birge qoldaý bildirdi.
Tomınaga - ashyq sýdaǵy óte tájirıbeli júzgish. 2009 jyly japondyq Túrkııadaǵy Bosfor buǵazyn júzip ótken.
Mundaı qashyqtyqtaǵy aldyńǵy rekord 56 jastaǵy meksıkandyqqa tıesili edi. 2008 jyldan beri Sangar buǵazyn júzip ótýge 50 talpynys jasaldy. Eń alǵash Sangar buǵazyn 1990 jyly amerıkalyq Devıd ıÝdovın júzip ótti. 
