Sandyqtaýlyqtar sý tasqynyna ázirlenip jatyr
KÓKShETAÝ. QazAqparat - Aqmola oblysynyń Sandyqtaý aýdanynda kóktemgi sý tasqynyna daıyndyq sharalary qarqyndy júrip jatyr, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, óńirde kún kúrt jylynady dep kútilýde. Buǵan qosa qar aralas jańbyr jaýýy yqtımal. Osynyń saldarynan qar erip, ózen jáne kólderdegi sýdyń deńgeıi kóteriledi dep boljanyp otyr.
«2019 jylǵy 4 sáýirdegi jaǵdaıǵa baılanysty Sandyqtaý aýdany aýmaǵyndaǵy 50 metr aryq pen arna tazalanyp, 20 metr ınertti materıal tóseldi jáne bir kóshe tazartyldy. Bul jumystarǵa jergilikti atqarýshy organdar, TJD jeke quramynan 10 qyzmetker jáne 4 arnaıy tehnıka jumyldyryldy», - deıdi vedomstvonyń baspasóz qyzmetindegiler.
Eske sala keteıik, osyǵan deıin habarlaǵanymyzdaı Aqmolanyń keıbir aýdandarynda sý tasqyny qaýpi áli de saqtalyp otyr. Oblystyń Kókshetaý, Stepnogor qalalary men Birjan sal, Ereımentaý, Shortandy, Aqkól, Býrabaı, Bulandy, Egindikól aýdandarynda jaǵdaı turaqtandy.
