Sandyqtaýda jańa turǵyn úı paıdalanýǵa berildi - Aqmola oblysy

KÓKShETAÝ. QazAqparat - Aqmola oblysynyń Sandyqtaý aýdanynda 18 páterli turǵyn úı paıdalanýǵa berildi, dep habarlaıdy QazAqparat tilshisi.

Aýdan ákimdiginiń málimeti boıynsha, Balkashın aýylynda boı kótergen 18 páterli turǵyn úıden memlekettik qyzmetshiler, áleýmettik jaǵynan az qamtylǵan otbasylar baspanaly boldy. Turǵyn úı «Nurly jer» baǵdarlamasy sheńberinde salyndy. Qurylys jumystary 2018 jyldyń basynda bastaldy. Oǵan respýblıkalyq bıýdjet esebinen 102,7 mıllıon teńge, oblystyq bıýdjetten 11,4 mıllıon teńge qarjy bólindi.

Eske sala keteıik,  jaqynda Kókshetaýda 90 páterli jańa turǵyn úı paıdalanýǵa berilgen bolatyn. Jalpy, jyl basynan beri Kókshetaý qalasy boıynsha barlyǵy 170 myń sharshy metr turǵyn úı tapsyrylyp, 1700 adam baspanaly boldy.