Sandyqtaýda 5316 sharshy metr baspana paıdalanýǵa berildi - Aqmola oblysy
KÓKShETAÝ. QazAqparat - Aqmola oblysynyń Sandyqtaý aýdanynda 5316 sharshy metr baspana paıdalanýǵa berildi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Vedomstvonyń deregi boıynsha, ótken jyly «Nurly jer» baǵdarlamasy boıynsha respýblıkalyq bıýdjetten 114,1 mıllıon teńge qarjy bólinip, Balkashıno aýylynda 18 páterli turǵyn paıdalanýǵa berildi. Bul úılerge oblystyq bıýdjetten bólingen 27,8 mıllıon teńge qarjyǵa ınjenerlik jeliler tartylyp, abattandyrý jumystary júrgizildi. Bul ıgi isten aýyl sharýashylyǵy qurylymdary da shet qalamdy.
«Aleksandr Zakýsılov basshylyq etetin «Svobodnoe» JShS jeke qarajaty esebinen Maksımovka aýylynda jasa mamandar men jumysshylaryna eki páterli on turǵyn úı salyp berdi. Al, Bastrymovka aýylynda «Sandyqtaý» JShS demeýshiligimen eki páterli turǵyn úı paıdalanýǵa berildi. Sonymen qatar, aýylda jeke úıler de salynýda. Mysaly, Birlik selolyq okrýginde 2017-2018 jyldary aralyǵynda barlyǵy 12 úı salyndy», deıdi vedomstvodan.
Jalpy, 2017-2018 jyldary aýdanda 58 otbasy jańa páterdiń kiltin aldy. Onyń ishinde soǵys ardageri, jetim bala, kópbalaly, otbasy jáne memlekettik qyzmetkerler bar. 2019 jyly 36 páterli eki turǵyn úıdiń qurylysy josparlanǵan. Qazirgi kezde, jobalyq-smetalyq qujattamalary ázirlenip, oblystyq qurylys basqarmasyna ótinish joldanyp otyr.
