«Sandyq televızııamen, ınternetpen, sandyq radıomen aınalysatyn jýrnalıster joqtyń qasy» - respýblıkalyq basylymdarǵa sholý
***
«Egemen Qazaqstan» gazetiniń búgingi nómirinde aldyńǵy kúni Aqordada elimizdiń jetekshi BAQ jýrnalısterimen kezdesken Memleket basshysy Nursultan Nazarbaevtyń suhbaty jarııalandy. Barlyq saýaldarǵa tuşymdy jaýap bergen Elbasy: «Qyrkúıek aıynan bastap «Qazaqstan» telearnasy tolyq qazaq tilen kóshýi kerek. Elimizde bir telearna solaı bolýy tıis. Al «Mádenıet» telearnasy tolyq qazaq tilinde habar taratady dep aıtýǵa bolmaıdy. Óıtkeni, bizdiń qazaqtyń mádenıetin ózge halyqtar da bilýi kerek. Qazaq tilinde bolǵanymen, ony biz kópshilikke túsindire bilýimiz qajet. Sondyqtan qazirgi jaǵdaıda barlyq másele halqymyzdyń ózine baılanysty», - dep atap kórsetken. QR Prezıdenti suhbatynyń tolyq nusqasyn basylymdaǵy «Árbir adam qazaqstandyq armanǵa qol jetkize alady» degen kólemdi maqaladan oqyp-bile alasyzdar.
Osy basylymnyń jazýynsha, keshe Ortpalyq saılaý komıssııasy aldaǵy prezıdenttik saılaýdyń demokratııalyq jolmen júrýin baıqaýǵa kelgen EQYU Demokratııalyq ınstıtýttar jáne adam quqyqtary jónindegi bıýrosynyń uzaq merzimdi mıssııasynyń baıqaýshylaryn tirkeý týraly qaýly qabyldaǵanyn jarııa etti. Dıplomatııalyq elshi dárejesi bar Daan Everts myrza bastaǵan baıqaýshylardyń sany - 44 adam. Olardyń báriniń de baıqaýshylyq qyzmetten tájirıbesi bar.
***
«Elorda da respýblıkalyq qoǵamdyq komıssııa quryldy. Ol kezekten tys prezıdenttik saılaýdy baqylap otyrmaqshy. Bul bastamany qoǵam qaıratkerleri kóterdi», - dep jazady «Aıqyn» gazeti. Basylymnyń atap ótýinshe, komıssııa músheleri saılaýaldy jáne saılaý barysy is-sharalaryna baqylaý jasap, qandaı da bir quqyq buzýshylyqtarǵa tosqaýyl qoıady. Sondaı-aq olar saılaý barysynda jeke-dara jumys isteýden irgesin aýlaq salyp otyr. Qoǵamdyq komıssııa músheleri barlyq aımaqtarda baqylaýdy birdeı júrgizý úshin eriktilerdiń kómegine júginbekshi. Bul jaıynda basylymnyń búgingi nómirindegi «Qoǵam qaıratkerleri bastama kóterdi» degen maqaladan egjeı-tegjeıli bile alasyzdar.
Keshe Oral qalasynda Qazaqstan men Reseıdiń Aýyl sharýashylyǵy mınıstrlikteri alqasynyń birlesken ekinshi májilisi bolyp ótti. Osyǵan oraı «Aıqyn» gazetinde «Reseılikterdiń yqylasy artty» degen taqyryppen maqala basyldy. Maqalada: «QR Premer-mınıstriniń birinshi orynbasary Ómirzaq Shókeev pen RF Úkimeti tóraǵasynyń birinshi orynbasary Igor Shývalov qatysqan úshbý alqaly keńeske qatysýshylar qos eldiń agrarlyq saladaǵy eki jaqty tıimdi qarym-qatynasynyń shıraı túskenin kózdeıdi», - delingen. Basylymnyń atap ótýinshe, alqa músheleri Zelenov aýdanyndaǵy ıAnaıkın aýyly mańyndaǵy ozyq tehnologııaǵa negizdelgen mal bordaqylaý kesheninde, «BatysKúnbaǵys» AQ kásipornynda, «Jaıyq Et» JShS-nde bolyp, jumys úrdisimen tanys tanysqan.
***
«Úkimettik keshegi otyrysynda eki másele sóz boldy. Biri - keshe ǵana Memleket basshysy qol qoıǵan «2011-2013 jyldarǵa arnalǵan Respýblıkalyq bıýdjetke ózgerister engizý týraly» Zań jobasy bolsa, ekinshisi - ótken jyly iske qosylǵan ındýstrııalyq jobalar men bıyl tapsyrylýy tıis nysandar jaıy», - dep jazady «Alash aınasy» gazeti. Basylymnyń atap ótýinshe, aǵymdaǵy jyly Indýstrııalandyrý kartasy aıasynda 37 myń jumys ornyn qurý arqyly jalpy somasy 715 mlrd. teńge bolatyn 71 joba iske qosý josparlanyp otyr. Bul jaıynda basylymnyń sársenbilik sanyndaǵy «Bıyl elimizde taǵy 71 joba iske qosylady» degen maqaladan tolyq maǵlumat ala alasyzdar.
Osy basylymda Halyqaralyq aqparattyq tehnologııalar ýnıversıtetiniń rektory Damır Shynybekovpen aradaǵy suhbat «Sandyq televızııamen, ınternetpen, sandyq radıomen aınalysatyn jýrnalıster joqtyń qasy» degen taqyryppen berilgen. Basylymnyń barlyq saýaldaryna tuşymdy jaýap bergen ol aqparattyq tehnologııalar áleminde barlyǵy kóbine aǵylshyn tilinde jazylatyndyǵyn kele: «Degenmen biz ınternettiń qazaqsha bóligin arttyryp, kompıýterler jaıly qazaq tiline oqýlyqtar shyǵarýymyz kerek. ıAǵnı oqytýdy JOO-da ǵana emes, mektepter men balabaqshalardan bastap sanasyna quıýymyz kerek. Kompıýterler týraly qazaqsha baǵdarlamalardy kóbeıtip, ınternette de bul máseleni kóterýimiz kerek. Basqanyń qolynan kelgen tehnologııany ıgerý qazaqtyń da qolynan keledi emes pe?», - deıdi.
***
«Jenevaǵa saparynyń birinshi kúninde Memlekettik hatshy - Syrtqy ister mınıstri Qanat Saýdabaev Reseı Syrtqy ister mınıstri Sergeı Lavrovpen kezdesti», - dep jazady «Kazahstanskaıa pravda» gazeti. Basylymnyń atap óýtinshe, kezdesý barysynda ekijaqty jáne kópjaqty formattaǵy Qazaqstan men Reseı yntymaqtastyǵynyń máseleleri qaralǵan. Eki eldiń ózara yqpaldastyǵynyń birqalypty damyp otyrǵanyna óz qanaǵattanýshylyǵyn bildire otyryp, áńgimelesýshi taraptar aǵymdaǵy jyly maýsymda Astanada ótetin ShYU Sammıtiniń kún tártibin oılastyrý jáne Qazaqstan bastamasymen qurylǵan Azııadaǵy ózara yqpaldastyq jáne senim sharalary Keńesiniń sheńberindegi yntymaqtastyq máselelerin talqyǵa salǵan.
